نفسي

 

 



نفسي

- نفسي أقولك حاجة ......

- نفسي أقولك إنى مش قادرة أقولك ........... إنى محتاجة أقولك خليك جنبى .

- خلينى أحس إنى معاك من غير مأقول قلبى معاك .

- خليني أحس إنى فحضنك .......... إنى ملك هواك .

- خلينى أحس إنى عايشة معاك حتى لو فى الخيال .

-  بكتب  وأنا عرفة إنى زى المجنون اللى بيدور على عش المجانين .

- خلينى أحس أنى مجنونة لكن بيك .

-  خلينى أحس إن العالم كله بيكرهنى ، وإنك الوحيد اللى حاسس بيا .

- عارف أنا تعبانة أوى أوى ، ونفسي أقولك إنى مشهقدر أقولك خليك جنبي .

-  حتى لو رسمت على صفحة بيضا حسه إنها سودا  لإنى من غيرك بضيع .

-  وله أقولك خلينى معاك ......
.... خلينى جنبك ....
.. خلينى صورة .

-         مجرد صورة ملهاش ملامح لكن هتكون وياك ، تتنفس هواك .

-         مجرد صورة ، أو قلم تكتب بيه أكاذيب تقولها ليا .

-         انا راضية بس إنت إرضا وكل شيء هيشعر رضاك .

-         هى لحظة تحس بيا..

.... حتى لو كنت ورقة مرمية على الأرض ترتعش من هواك البارد .

-         حتى لو كنت ورقه بتتألم من دهس هواك الساخط .

-         ولا أقولك :

-         خلينى دمعة فى عيونك لما تحب تلون الإحساس بالزيف .

-          مجرد دمعة بيها يمكن تتغير الظروف وأكون فعلا وياك .

********

-         خلينى
يمكن في يوم من الايام  تحس بيا .......
....... من غير كلام أقوله ........من غير كلام تحس بيا .

**************

-         كلام مجانين بس أعمل إيه ...
.... كل حاجة راحت ....
...الفرحة
والطرحة 
 وضحكة كانت جوايا .

-         كلام مجانين
- لكن كان نفسي تحس بيا ولو ثوانى .

-         بطلب كتير ! أنا عرفه لكن قلبى موجوع .

-         خايفة وعمرى ماحسيت إنى ممكن أخاف كده زى ما أنا حسه دلوقت .

-   خدعتنى عادى ............

-   بعتنى عادي
-   كله مكتوب .

-         بس إمته تتوب وتسيبنى ارتاح .

-         عارف نفسي أرتاح وأغمض عينى .

-         نفسي أناااااااااااام وأرتااااااااااااااح
-      حسه إنى صاحية من مليون سنه .

-         مليون سنه صاحية !!!

-         كتيير ؟ وله مش مصدقنى؟

-         أنا تعبت هي دي كل الحكاية

-     واللى كتبته كلام مجانين بس دا اللى حسه بيه .

-         لخبطة ودربكه جوايا منى ومنك ومن كل حاجة

- كل حاجة سببت لينا ألم وجرح ما راح .

-         كلام مجانين من ناس عاقلين .

-         ناس كل همهم حد يحسهم .

-         حد  يصلح ويتقبل حالهم ، و جهلهم .

-         حد يحضن خوفهم ويبدل همهم ، ويداوي جرحهم .

-         حد يحس.......
-           حد يصرخ لوجعهم ودمعهم ..
 حد مش سبت ولا حد.................................... .........................................................................................................................................................................................