أسف يا بلدي
مش قادر أبكي
ولا أحكي ..
ولا حتى قادر أشكي........
دموعي جفت قبل ما أبكي
ولا أحكي
أسف لأني عاجز
بنا حاجز ومش حاجز
فاهم ومش فاهم
عارف ومش عارف
دي ثورة
ولا فروة غطينا بيها البركان؟!
دي ثورة حب ولا عدوان ؟!
حبيبتي
الكل نهش فيكي بإسم الحب
والحرية
بإسم الأمان
مش شايفين دموعك
مش عايزين شموعك
الكل ظهر وبان
الكل باع وخان
والتمن دموعك إنتي
يا حبيبتي
وإعذريني
مش قادر أبكي
ولا قادر أشكي
مادام دمعك علينا
هان
ليست هناك تعليقات:
إرسال تعليق