- مجرد سؤال إسمحلى ؟
سؤال على بالى وبال أبناء الطبقة المتوسطة وفوق المتوسطة وتحت المتوسطة والطبقة اللى تحت التراب اللى تقريبا مش فارق معاها لانها كدا كدا تحت التراب ميته واللى نعرفهم بإسم "الأموات الأحياء" .
سؤال أو ممكن نعتبره فضفضه بالبلدى كدا :
- هو إحنا يعني ما شاء الله إتستتنا ، وإتهننا فى بيوتنا عشان ننام زى الفراخ من الصبح ؟
- طيب مين هيجيب المم للعيال لما أصحاب المحلات يطردوا العمال اللى عندهم عيال بالكووووووووم ؟
- طيب الشباب من الجنسين اللى بيحضروا الشقة والعفش والشبكه والايجار عشان يتحبسوا فى قائمة المنقولات ، و الشابة اللى بتشتغل عشان تستر نفسها وأهلها بدل متروح شارع الهرم ؟
* طيب الناس اللى جاية البلد سياحة ؟
أكيد طبعا حدث ولا حرج
هيوفروا وجع الدماغ ويروحوا دول تانيه ودا حقهم طبعا من غير ميقرفوا نفسهم .
** حتى المقاهى أقصد الكافيهات هتتقفل ؟!!
والله بكرة الناس هيشحتوااااااااااااا ويمدوا أديهم ويقولوا هااااااااااااااات ....
* طيب شرم ومارينا و ........................................
* طيب الناس اللى بتشتغل الصبح وبالليل عشان تسد ديونها ، وطبعا عشان تكفي أهلها وعيالها ، هتسرق يعنى ولااا تتسجن فى رشوة ، ولاااا دين مطلوب سداده ّ!
حضرتك هتسدد ديونهم ؟!!!
حضرتك هتسدد ديونهم ؟!!!
*ولا الناس اللى بتدفع إجار كل شهر 300 و500 ويمكن 700 هيروحوا فين لما صاحب البيت طبعا يطردهم بحكم المحكمة ؟!!!
**حضرتك إحنا محلناش مشكله رغيف العيش اللى دلوقت بيوزعوه من باب الصدقة .
"والله وعملوها الرجاله "
*محلناش مشكلة القمامه .
- حاجات كتييييييييييييييييير أهم من القرار محتاجة تتنفذ ؟؟؟؟؟؟؟ ولم تحل ؟!!!
- حضرتك ممكن تقولى :
- مين هيقعد فى بيته حاطط رجل على رجل والخدم والحشم بيخدموه هو وعياله ؟
ومين هيأكل ويصرف و...............................؟
ومين هيأكل ويصرف و...............................؟
- ياريس إحنا مش موظفين فى بنوك ، ولا وزارات بناخد 2000 او 3000 او أكتر
إحنا معدمين ، ومش موظفين بالمرة .
** عشان نحلها وترتاحوا من الشعب اللى إتخنق كبير وصغير نفذوا حضراتكم القرارات دي قبل قرار غلق المحلات :
1- هاتوا فلوسنا اللى بره ، واللى جوه .
2- رجعوا كرمتنا الاول اللى تحت الرجلين بره وجوه.
3- هاتوا حقنا من اللى قتل أولادنا ودهسهم ، وإدفنوا وإرتاحوا وإحنا بعدهم إما أيتام أو من غير أنيس وبرضوا شحاتين طبعا بره وجوه .
4- وندفع بسبب مش من غير سبب لان اللى يدفع من غير سبب إيه ؟
حضرتك عارف ؟!!
4- وندفع بسبب مش من غير سبب لان اللى يدفع من غير سبب إيه ؟
حضرتك عارف ؟!!
4 -علمونا صح ياريس
- علمونا
- علمونا
- علمونا
- وبعد كدا حاسبونا ، وإضربونا بالجزمة لإننا ناكرييين للجميل ..
طبعا أخدنا حقنا ومن حقكوا تاخدوا حقكم ....؟!!!
هههههههههه
ب- بحلم
لكن مش مستحيل نحقق الحلم دا
- علمونا لوجه الله !
عشان نعرف طريقنا !
- بدل الجهل اللى عشش فى عقولنا وعقول أولادنا وبيوتنا .
- دعموا العلم .
- دعموا المعرفه ؟!!
- نسيت أقول حاجة بعتذر :
* والكلاب اللى مرميه فى المستشفيات تنتظر عطفكم ورحمة قلوبكم ، قصدى اللى مبيتقوش ربنا مش أولى برضوا إننا نشوفهم ، وكمان حق الدواء مين هيجيبه دا بعد طبعا لما يعجزوا من العمليات الفاشلة ، والدواء الغلط ، وسوء الرعاية ، ولا مين هيقدريدفع تمن حقنه ب500 ولا 1000 - ربنا يشفى - لما اللى بيجيبها يقعد فى البيت بعد ميتطرد بعد قرار غلق المحلات .
" أعتذر على عرض هذه الصور ، لكنها الحقيقة المؤلمة ، والمره ، وأعتذر عن إزالتي لبعض الصور التى لم أتحمل رؤيتها ، وحسبنا الله ونعم الوكيل ، واللهم لا إعتراض .
- ولا هنروح التأمين الصحى اللى محتاج أساسا علاج ؟ّ!!!
- مين يتحمل دا ، مين يتحمل ياعالم ياهووووووووووووووووو .
- ودا واجب على حضرتك ياريس أرجوا إحنا تعبنا والله إرحمونا ...
***هيجى حد ويقول لازم نيجى على نفسنا شويه!!
** هرد عليه وأقوله وقفل المحلات هيفيد بإيه ؟
- الكهرباء ؟
- وتوفير الطاقة؟
- ياسيدى :
- إنزل بعربيتك الشيك المناطق الشيك ، ومناطق القصور أقصد البيوت اللى متشطبة لوكس " وربنا يعطينا اللهم لا حسد ويوسعها ، على الجميع هتلاقى الطاقة الكهريائية فى كل شبر على الارض قرى سياحية كامله كل شبر إضاءة ، كل شبر .
إحنا كدا كدا بندفع فواتييييييييييير والغاوى ينقط ؟؟؟؟؟ إرفع سعرها وبرضوا الناس هتنتحر وتلعن اليوم اللى إتولدت فيه ، ولااااا الناس هتفضل تصرخ ، تصرخ ، تصرخ ، وكالعادة محدش يعبرها ، وتصحا الصبح وكأن شيء لم يكن ؟؟؟؟!!!
إحنا كدا كدا بندفع فواتييييييييييير والغاوى ينقط ؟؟؟؟؟ إرفع سعرها وبرضوا الناس هتنتحر وتلعن اليوم اللى إتولدت فيه ، ولااااا الناس هتفضل تصرخ ، تصرخ ، تصرخ ، وكالعادة محدش يعبرها ، وتصحا الصبح وكأن شيء لم يكن ؟؟؟؟!!!
خليهم يوفروها حضرتك .... يوفروها عشان الطاقة .
ولاااا أعمدة الإنارة اللى شغاله لحد العصر حد يتابعها ويوفر الطاقة اللى ضايعة فى وسط النهار والزحمة .............
ولاااا أعمدة الإنارة اللى شغاله لحد العصر حد يتابعها ويوفر الطاقة اللى ضايعة فى وسط النهار والزحمة .............
- من الأخر الناس كفرانه ، الناس تعبانه .
- إرحمونا
- الله يرضا عليكم إرحمونا ، الناس مش لأيه تاكل .
إحنا تعبنا إرحمونا لأزم القرار دا لازم يتراجع ، ونحاول نحل بشكل مناسب
لان السرقه هتزيد.......
والبطالة ما شاء الله هتتضاعف ...........
والادمان لان حضرتك هتسمح بالسهرات داخل البيوت اللى أغلبها ناس بسيطة ، وشباب مخنوقة وأباء قاعدين زي ال؟؟؟؟
وستات بتزن طبعا شايله الهم وبتفكر هتعيش هى وعيالها إزاى
وناس حرمتها من أبسط حقوقها انهم يقعدوا على المقهى ...
الكل هيلعن اليوم اللى إتولدوا فيه اأكتر من الاول ، وهيلعن العيشة واللى عيشنها .
** و تسمع لا قدر الله أكتر من الأول كل دقيقة إقراااا الحادثه ، أو جاءنا البيان التالى :
" واحد أو واحدة أو مجموعة إنتحرت ، أو واحد أو واحدة أو مجموعة قتل عشان جنيه وإحتمال ربع جنيه ، وواحد قتل مراته وعياله من الطلبات اللى ملهاش حل ، وغيرها طبعا وما خفى كان أعظم .
لكن ربنا يحلها من عنده
ربنا يرحمنا ويرحم شعب مصر ويحميها
ربنا كريم
وياخوفى نقول " حسنه لله يامحسنيين بس المرة دي بصوت عالى "
أيوة لإننا بنقولها فى عيونا ، وبنقولها لما بنيجى نطلب حقنا
يا ريس
إحنا كدا كدا غارقيين فى محيط الظلم .
إحنا موحولييين فى الطين .
- كفاية إختراعات عشان ربنا يحبك قصدي يحبكوا ويحبنا معاكوا .
ونشكركم لسعة صدركم ياريس .
يوووووووووه نسيت :
- البلاعة والمجارى وعشان ربنا يحبك ويحبكوا ويحبنا متنسوهاااااااااااااااااااااش . وربنا يعينكوا .
ونشكركم لسعة صدركم ياريس .
يوووووووووه نسيت :
- البلاعة والمجارى وعشان ربنا يحبك ويحبكوا ويحبنا متنسوهاااااااااااااااااااااش . وربنا يعينكوا .
ليست هناك تعليقات:
إرسال تعليق