- إذا سهل عليك تبيع شرفك وعرضك سهل عليك تبيع أرضك ووطنك واللي يتشدد لهم ..
- إذا سهل عليك تبكي الحاضر واللي غايب حتى اللى راقد تحت التراب ، سهل تبيع وطن ببلاش وبسفه تضحك لهم ...
- إذا سهل عليك تتاجر بدينك ودمك ، سهل تنكر وتكدب وتقول أي حاجة في أي حاجة
عشان نفسك
عشان همك ....
عشان بطنك ....
عشان طمعك ....
عشان عطشك للحرام اللي بترويه بالحرام ...
حرام بجد نتباها بالتكبير والتهليل بإسم الله ورسوله ، وإحنا منعرفش يعني إيه دين ولا دم ، يا ناس لا عندها دين ولا حتى نقطة دم ....
إتقوا الله في مصر وأهلها وشبابها وقواتها ، إتقوا الله فى أنفسكم .......
ولكم الخيار إما أن تكونوا مصريين وإما أن تكونوا قتله وخونه تجار للدم والدين ،
لأننا من قبل إخترنا أن نكون مصريين ، وإن لزم الأمر شهداء لنحمي أرضنا وعرضنا وشرفنا كمصريين ، مسلمين ومسيحيين ، كلنا سنحمي مصرنا من الخونه والقتله تجار الدم والدين .
وسلام على أرواح شهدائنا من قواتنا وأرواح الأبرياء الأخرين ، من لن نكون عليهم آسفين ليوم الدين ، لأنهم بأرواحهم ضحوا وعند الله أحياء يرزقون ، فكونوا بحق مصريين .... ولمصر بعد الله مخلصين ..
ليست هناك تعليقات:
إرسال تعليق