ولا تعالوا نجرب فكرة قديمة شويه ، يمكن نوصل لحل
تعرفوا شمهورش؟
أيوة بتاع الفنوس السحرى !
إحنا نجيب الفانوس وندعكه ، ونقول لشمهورش لما يطلع طير إنت وإعرف لنا إيه هي مواد الدستور اللى تريحنا و الإعلان الدستوري اللى يريحهم ؟!
ولا أقولك نعمل لهم زاااااااااااااار، عشان المواد الممسوسه تنطق وتتكلم ، والمسمومه تبان وتتعلم معنى الكلام قبل متتكلم
بس الأحسن واللى أعتقد إنه يفيدنا شيخ من شيوخنا الأفاضل اللى للسياسة قاعد فاضي وفاضل ... يقولنا فتوى تضيعنا ، أو كلمه تولعنا ، أصلنا بصراحة بقينا مش فاهمين ، أو عملين مش فاهمين ، من كتر الكلام والتغيييييييير والتهليل ، والتعديل ، والتبديل .
كفيانا يا ناس ، كفيانا هبهبه عالفاضي ،أفانا إتعلم ..............
ولااااا هى ضربة معلم ، والعيار اللى ما يصيبش يدوش ويعلم .
إسم الله عليك يامعلم ، والله ضربة معلم .
لكننا للأسف مش فاهمين عشان نتكلم ، الفاهمين ناكرين إننا لسه بنتعلم .
نداري إزاي خوفنا ، بعد ما الدستور علينا علم ...... وعلم .......
نداري إزاي خوفنا ، بعد ما الدستور علينا علم ...... وعلم .......
وهى ضربة معلم ، ومش فارقه تعلم معانا ولا متعلم يا معلم ...
ليست هناك تعليقات:
إرسال تعليق